काठमाडौं । पछिल्लो २४ घण्टामा थप १ हजार ४४ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ४६ हजार ६ सय ९४ पुगेको छ ।
यस्तै पछिल्लो २४ घण्टामा थप १ हजार २ सय ७१ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कोरोना संक्रमणबाट निको हुनेको संख्या २ लाख ३२ हजार ८ सय ७२ पुगेको छ भने हाल देशभर १२ हजार १४८ जना सक्रिय संक्रमित रहेका छन् ।
नेपालमा कोरोनाभाइरस निको हुने दर ९४.४ प्रतिशत रहेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा थप ११ जनाको मृत्यु भएको छ भने देशभर कोरोनाबाट मृत्यु हुनेको संख्या १ हजार ६ सय ७४ पुगेको छ ।
