रसुवा । स्थानीय तह निर्वाचनको मत परिणाम आउने क्रम जारी छ । यसै क्रममा रसुवाका पाँच पालिकाकाका २४ वडाको मत परिणाम सार्वजनिक भएको छ । जसमा नेकपा (एमाले)ले १२, कांग्रेसले ११ र नेकपा (माओवादी केन्द्र)ले एउटामा वडाध्यक्ष पद जितेको छ ।
सोमबार दिउँसो २ बजेसम्मको नतिजाअनुसार एमालेले उत्तरगयाको १, २ र ३, गोसाइँकुण्डको १, ३, ५ र ६, आमाछोदिङ्मोको १, ३ र ४ र नौकुण्डको २ र ३ नम्बर वडा जितेको छ ।
यस्तै, नेपाली कांग्रेसले कालिकाको २, ३ र ४, नौकुण्डको १, ४ र ५, गोसाइँकुण्डको २ र ४, आमाछोदिङ्मोको २ र ५ तथा उत्तरगयाको ४ नम्बर वडामा विजयी भएको छ । माओवादी केन्द्रले हालसम्म कालिका–१ मा मात्रै जित हासिल गरेको छ । नागरिक खबरबाट
