च्युरीबोट । म्याग्दीको मालिका गाउँपालिका-४, चुरीबोटमा जारी पुरुष भलिबलमा छहारी युवा क्लब र पुन युनाइटेड युवा क्लब फाइनल प्रवेश गरेका छन् । बिहिवार सम्पन्न सेमिफाइनल खेलमा पुन युनाइटेड युवा क्लबले छापखानी युवा क्लब र छहारी युवा क्लबले जन्मभुमि युवा क्लबलाई पराजित गर्दै फाइनल प्रवेश गरेका हुन् ।
यसैगरी प्रौढ भलिबलतर्फ महखानी युवा क्लब र जनविकास युवा क्लब फाइनल प्रवेश गरेका छन् । महिला भलिबल खेल तर्फ जनसाहारा युवा क्लब र तामाखानी युवा क्लब प्रवेश गरेका छन् । तारोखेल तर्फ आयोजक ए विजयी भएको छ भने तमान र जनसाहारा युवा क्लब क्रमशः दोस्रो र तेस्रो भएका छन् । बाँकी सबै फाइनल खेल शुक्रबार हुने आयोजकले जनाएको छ । पुरुष तर्फ १६ , तारो खेलतर्फ ६ , महिला तर्फ ६ र प्रौढ तर्फ ५ टिमले सहभागी थिए ।
