म्याग्दी । म्याग्दीमा निर्माणाधीन ४० मेगावाट क्षमताको राहुघाट जलविद्युत् आयोजनाको बाँधस्थलमा सुख्खा पहिरो जाँदा दुई जना मजदुरको ज्यान गएको छ । रघुगंगा गाउँपालिका वडा नं ४ दग्नाम र वडा नं ५ झिँको सिमानामा रहेको आयोजनाको बाँधस्थलमा सोमबार दिउँसो एक्कासी खसेको सुख्खा पहिरोमा परेर तमान खोला गाउँपालिका १ का अन्दानी २२ बर्षका सुजन बुढामगर र चितवनका अन्दाजी ४५/४६ बर्षका लाल बहादुर सुनार घटना स्थलमै मृत्यु भएको छ भने ५ जना घाइते भएको जिल्ला प्रहरी कार्यालय म्याग्दीका सूचना अधिकारी प्रहरी निरीक्षक सागर पौडेलले जानकारी दिनुभयो ।
घटनास्थलमा पिप्ले प्रहरी चौकीबाट टोली पुगिसकेको जिल्ला प्रहरी कार्यालयका सूचना अधिकारी प्रहरी निरीक्षक पौडेलले जानकारी दिनुभयो । पहिरोमा घाइते भएकाहरुको उपचारका लागि एक जना बेनी अस्पताल ल्याइएको छ । घटनास्थलमा प्रहरी निरीक्षक पौडेलको नेतृत्वमा टोली परिचालन गरिएको छ । पहिरोमा घाईतेहुनेहरुको विवरण आउन बाँकी छ ।
