मालिकाको दरबाङमा कर शिक्षासम्बन्धी कार्यक्रम

प्रताप बानियाँ
म्याग्दी, मंगलबार बैशाख ३१ गते ।
पश्चिम म्याग्दीको मालिका गाउँपालिकाको केन्द्र दरबाङ बजारमा शनिबार करसम्बन्धी शिक्षा कार्यक्रम सम्पन्न भएको छ ।

मालिका गाउँपालिकाको आयोजना र उद्योग वाणिज्य संघ दरबाङ इकाइको समन्वयमा कार्यक्रम सञ्चालन गरिएको हो ।

कर शिक्षासम्बन्धी कार्यक्रमको आन्तरिक राजश्व कार्यालय बागलुङका कर अधिकृत बुद्धिप्रसाद आचार्य, कोष तथा लेखा नियन्त्रक कार्यालय म्याग्दीका कोष नियन्त्रक चन्द्रशेखर सापकोटा र म्याग्दी उद्योग वाणिज्य संघका अध्यक्ष उत्तमकुमार कर्माचार्यले सहजीकरण गरेका थिए ।

उनीहरुले देशमा सङ्घीयता कार्यान्वयनसँगै आएको नयाँ करनीति, स्थानीय तह, प्रदेश तथा केन्द्रीय करलगायत कर शिक्षासँग सम्बन्धित विभिन्न विषयहरुमा सहजीकरण गरेका थिए । कार्यक्रममा मालिका गाउँपालिकाका अध्यक्ष श्रीप्रसाद रोका र उपाध्यक्ष खरमाया बिटालुले मन्तव्य राखेका थिए ।

उद्योग वाणिज्य संघ दरबाङ इकाई अध्यक्ष गोविन सिउँथानीको अध्यक्षता र सचिव थमन सुवेदीको सञ्चालनमा सम्पन्न कार्यक्रममा वडा अध्यक्ष सन्तोष सुवेदीले मन्तव्य राखेका थिए ।

सम्बन्धित समाचार

thumbnail

मालिका गाउँपालिकाको बजेट ४८ करोड १८ लाख ३६ हजार रुपैयाँ (तस्बिरहरु)

बेनी । म्याग्दीको मालिका गाउँपालिकाले आगमी आर्थिक बर्ष २०७९÷८० को निति तथा कार्यक्रम र बजेट पारित गरेको छ । शुक्रबार वडा नम्बर ६ स्थित छ्यारछ्यारेमा सम्पन्न गाउँपालिकाको दोस्रो गाउँसभामा गाउँपालिका अध्यक्ष बेगप्रसाद…

thumbnail

एक लाख ८६ हजार रुपैयाँ बढीको फर्निचर सामग्री सहयोग

बेनी । म्याग्दीको मालिका गाउँपालिका–१,निस्कोट स्थित दुध पराई (मुखिया)पुन सेवा समाजलाई अमेरीकाबाट एक लाख ८६ हजार ७६७ रुपैयाँ सहयोग प्राप्त भएको छ । अमेरीकामा रहनुभएका मिलन पुन ,प्रेम पुन ,उत्तम पुन र…

thumbnail

जनप्रतिनिधिबिचको विवादले मालिका गाउँपालिकाको पहिलो र विशेष गाउँसभा स्थगित

बेनी । म्याग्दीको मालिका गाउँपालिकामा नवनिर्वाचित जनप्रतिनिधीहरुबीच पहिलो गाउँसभामै बिवाद भएको छ । दरवाङ स्थित छ्यारछ्यारेमा बुधबार आयोजित विशेष गाउँसभा एमाले र अन्य दलबाट निर्वाचित जनप्रतिनिधीहरुको बिवादका कारण स्थगित भएको छ ।…