काठमाडौं । पछिल्लो २४ घण्टामा थप ६ सय १३ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख ५६ हजार ५ सय ९२ पुगेको छ ।
यस्तै पछिल्लो २४ घण्टामा थप ७ सय ३९ जना कोरोना संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ । यससँगै देशभर कोरोना संक्रमणबाट निको हुनेको संख्या २ लाख ४७ हजार ४ सय पुगेको छ ।
पछिल्लो २४ घण्टामा थप ५ जनाको मृत्यु भएको छ भने देशभर कोरोनाबाट मृत्यु हुनेको संख्या १ हजार ८ सय ८ पुगेको छ ।
