बेनी । म्याग्दीको धवलागिरी गाउँपालिकाको अध्यक्ष र उपाध्यक्षमा गठबन्धनका उम्मेद्वार बिजयी भएका छन् । गाउँपालिका अध्यक्षमा गठबन्धनबाट कांग्रेसका प्रेमप्रसाद पुन र उपाध्यक्षमा माओवादीका रेशम पुन बिजयी हुनुभएको छ ।
अध्यक्षमा पुनले तीन हजार १२३ र उपाध्यक्षमा पुनले दुई हजार ८१२ मत पाएर बिजयी हुनुभएको निर्वाचन अधिकृतको कार्यालयले जनाएको छ । प्रतिद्धन्दी एमालेकी थमसरा पुनले दुई हजार ५४८ र उपाध्यक्षमा एमालेका प्रगति कार्कीले दुई हजार ६१८ मत पाउनु भएको छ । सात वटा वडा रहेको धवलागिरी गाउँपालिकामा कांग्रेसले दुई , माओवादीले २ र तीन वटा वडामा एमालेका उम्मेद्वार बिजयी भएका छन् ।
मंगलामा एमालेले पालिका अध्यक्ष, उपाध्यक्ष र १, २ र ५ वडा, माओवादीले वडा नम्वर ३ र कांग्रेसले वडा नम्वर ४मा जित हाँसिल गरेको छ । मालिकामा तीन वटा वडा सहित गाउँपालिका अध्यक्ष र उपाध्यक्ष एमाले ,तीन वटा वडामा कांग्रेस र एक वडामा माओवादी विजयी भएका छन् ।
८ वटा वडा रहेको रघुगंगामा ५ वटा वडा कांग्रेस र ३ वटा वडा एमालेका उम्मेद्वार प्यानल सहित विजयी भएका छन् ।बेनी नगरपालिकामा मत गणना जारी रहँदा चार वटा वडा एमाले ,दुई वडा कांग्रेस र दुई वटा वडामा माओवादीका उम्मेद्वार विजयी भएका छन् । अन्नपुर्णमा तीन वटा वडामा एमालेका उम्मेद्वार बिजयी भएका छन् ।
