![](https://myagdinews.com/wp-content/uploads/2019/06/talim-4.jpg)
म्याग्दी, बुधबार जेठ २९ गते । म्याग्दीको धवलागिरी गाउँपालिका–३ मुनामा आमा समुहका सदस्यहरुलाई चुरा पोते उत्पादनको लागि शिप विकास तालिम दिईएको छ । घरेलु तथा साना उद्योग विकास समिति म्याग्दीको आर्थिक सहयोग र संगम म्याग्दीको आयोजनामा सिसा, चुरा तथा पोते उत्पादन सम्बन्धि पाँच दिने आधारभुत तालिम दिईएको हो ।
![](https://myagdinews.com/wp-content/uploads/2019/06/talim-4-1024x683.jpg)
महिलाहरुलाई आयआर्जन तर्फ लगाउन उद्यमी बनाउने उदेश्यले आयोजित तालिममा आदर्श हस्तकला उद्योग स्याङ्जाकी सुनिता क्षेत्रीले प्रयोगात्मक रुपमा तालिम दिनुभएको थियो । तालिमको अवसरमा महिलाहरुले चुरा पोते समेत उत्पादन गरेका थिए ।
![](https://myagdinews.com/wp-content/uploads/2019/06/talim-6-1-1024x683.jpg)
तालिम समापन समारोहमा बोल्दै गाउँपालिकाका अध्यक्ष थमसरा पुनले ग्रामीण भेगका महिलाहरुलाई उद्यम र व्यवसाय तर्फ लगाउनको लागि चुरापोते तालिमले टेवा पु¥याएको बताउनुभयो । उहाँले ग्रामीण बस्तीलाई समेटीएको धवलागिरी गाउँपालिका क्षेत्रमा महिलाहरु आर्थिक, सामाजिक रुपमा पछाडी परेको कारण गाउँपालिकाले समेत महिलाहरुलाई उद्यमी बन्नको लागि प्रोत्साहन गर्ने बताउनुभयो ।
![](https://myagdinews.com/wp-content/uploads/2019/06/talim-7-1024x682.jpg)
कार्यक्रममा तालिमका प्रशिक्षक क्षेत्रीले सिंगारिक सामाग्री बनाउने शिपले व्यवसायि बन्नको लागि सहयोग पुग्ने बताउँदै आधारभुत तालिम लिएकाहरुलाई थप क्षमता तथा शिप विकास आबश्यक रहकोमा जोड दिनुभयो । कार्यक्रममा लालिगुराँस क्रिष्टल लघुउद्यमी समुहका अध्यक्ष पूर्णकला पहरे पुनले तालिममा सिकेका शिपलाई व्यवहारमा उतार्ने प्रतिबद्धता जनाउनुभएको थियो भने कार्यक्रमको सञ्चालन संगम म्याग्दीका उद्यम विकास सहजकर्ता उमा गुरुङले गर्नुभएको थियो ।
![](https://myagdinews.com/wp-content/uploads/2019/06/talim-8-1024x682.jpg)
![](https://myagdinews.com/wp-content/uploads/2019/06/talim-1-1024x682.jpg)